Hezkuntza

Guraso eta irakasleen lankidetza estuaz, Euskal Herriko kulturaren barnean, balore demokratikoak dituzten eta gizartearen erronkei aurre egiteko prest egongo diren pertsona eleanitzak hezten ditugu.

Informazio gehiagorako gurekin harremanetan jarri

Urtxintxa

Urtxintxa Haur Hezkuntzarako material integrala sortzen duen ikastolen proiektu bat da.

Haur Hezkuntzak berebiziko garrantzia du bai haurraren garapen osoan, baita euskalduntze-prozesuan ere. Etapa horretan garatzen hasten dira, hain zuzen, adimenaren gaitasunak, nortasunaren ezaugarriak, gorputzaren ahalmenak, gizarteratzeko eta harremanetarako hastapenak… Beraz, hezkuntza-arloan betekizun nagusia du.

Proiektu honekin lortu nahi dena zera da: hezkuntza-proiektua hobetzea kurrikulum diseinuaren ulermen-maila erraztuz eta koherentzia bertikala ziurtatuz, zehar-lerroekiko konpromisoa indartzea, aniztasunari erantzuna emateko bide berriak jorratzea, eleaniztasunaren hainbat eragile integratzea eta irakurketa idazketaren paradigma eraikitzailea garatzea.

Proiektu honi buruzko informazioa nahi izanez gero hemen klikatu: http://www.urtxintxa.net/