Gaur goizean, Overclock Axular Taldeak Gipuzkoako Foru Aldundiaren Jauregia bisitatu du. Bertan, Gipuzkoako ahaldun Nagusia den Markel Olanok, Ekonomia Sustapeneko, Turismoko eta Landa Inguruneko diputatua den Jabier Larrañagak eta Iker Estensorok, Ekonomia Sustapeneko zuzendariak, gure ikasleei harrera egin diete.

Jauregiko areto eta espazioak ezagutzeaz gain, gure ikasleek asteburu honetan Cartagenan ospatuko den FLLko finalean aurkeztuko duten proiektuaren berri eman diete.

Hemendik Gipuzkoako Foru Aldundiari eskerrak eman nahi dizkiogu gure ikasleak gonbidatzeagatik eta gure Overclock Axular taldeko ikasle eta entrenatzaileei zorterik handiena opa nahi diegu. Aupa Overclock!